timor2007

القرية الذكية فكرة عالمية على ارض مصرية

In Uncategorized on March 26, 2010 at 12:16 pm

السلام عليكم

اولا :: انا عارف انى بقالى كتيير مكتبتش كتير فى البلوج بس ده لانى كنت فاهم حاجات كتيير غلط او مش واخد بالى منها او عارف وبستعبط!!! الله اعلم

ثانيا :: الاسبوع اللى فات ده كان اسبوع عجيب من كل اتجاهات بصراحة يععنى مثلا …. اعلنت استقلال جمهورية نفسى وكسرت زير كمان ورا الملك اللى كان متوج عليها

ثالثا :: غالبا ان شاء الله استقريت على خطواتى بعد التخرج  وان كانت ناقصة خطوة (الحلو دايما مايكملش) بس  انا شاء الله خيييييييير

رابعا :: روحت القرية الذكية ودى كانت ختام الاسبوع وختامه مسك وعسل وسكر كمان

فعلا يا شباب اللى هيروح هناك هينبهر من كل حاجة (نظافة … نظام … علم بيطوف حوليك) اه الطاقة اللى هناك تخليك عبقرى مش ذكى بس

لما تلاقى

oracle – Microsoft – Intel –  vodafone – mobinil – xceed – tedata -ITI –  etc…..)

دول جمب بعض مبيفصلش عنهم حاجة غير امتار بسيطة يبقى انا سايبلك انت تتخيل كمية الاستفادة اللى موجوده هناك

حاجة كمان الشغل هناك مش مستحيل لو انت عايز تشتغل هناك اثبت نفسك وروح وهتلاقيهم بيرحبوا بيك كمان

اشوفكم على خير قريب ان شاء الله

سلااااااااااااااام

التربية المهلبية

In Uncategorized on February 2, 2009 at 11:13 pm

سؤال بسأله لنفسى كل يوم الفجر لما بصحا اروح الجامعة؟؟؟!!!!!!!؟؟

اه فعلا والله مش بهزر بروح الجامعة الفجر …..سامع واحد ظريف بيقول ليه حتحلب الجاموسة اللى فى الجامعة؟؟؟

لا يا خفيف الدم مفيش جواميس فى الجامعة       بعمل التربية المهلبية قصدى….. العسكرية

يسألنى واحد ودى ايه فايدتها فى الحياه ؟؟؟

من اجل مصر !!!!!!!!؟؟؟؟؟؟؟؟

وتبقى مستعد لاى غزو قادم من الخارج

اه والله القائد بتاعنا قالنا كده وخلى شعر دماغى وقف وكنت حعيط من الوطنية والسلام الجمهورى كان بيرن فى ودانى

رغم ان فى ناس كتييييييييييييير مننا داخلين الجيش داخلين يبقى ايه الفايدة؟؟؟؟

بس اللى نفسى افهمه هى مصر هتستفاد ايه من وقفتى ساعة ونص فى طابور كله صفا وانتباه والباقى كله رست؟؟؟؟؟؟؟؟

وبعدين حنحارب العدو بالصفا والانتباه

دى حرب مش خناقه فى الشارع حنكسبها بالصوت

ياريت اللى عنده الاجابه يفهمنى ولا انا مش وطنى وخاين وعميل؟؟؟

نهايته حسبى الله ونعم الوكيل

Hello world!

In Uncategorized on September 28, 2008 at 5:15 am

Welcome to WordPress.com. This is your first post. Edit or delete it and start blogging!